أمنية مجاهد تكتب : قلبي عكاز ضحكتي

0

مين اللي قالك
قلبي مات
استني اسمع دقته
مين اللي قالك
عين حبيبتك
بتشوف ضباب
بص فعنيه
تلاقي لمعة فنن عيني
مين اللي قالك
ان بكره مش بتاعي
ان السنين الجيه
مش هعرف اعيشها
اني انتهيت ومت بعدك
لا يا حبيبي
قالوا الغلط
اسمع يا روحي
وجودي جنبك كان سند
لعنيك وروحك
اما انا فانا قلبي عكاز ضحكتي
والشمس مني تغير
قمر الزمان مخلوق
ينور سكتي
والشمس قايده شعاع
عشان صوت ضحكتي
انا اهو فارقتك
ولا روحي رايحه
عليك ولا قلبي
انفطرولا دمع عيني
نال من خدي حاجه
لا سهرت ليلي افتكر
ولا طال نهاري فبعدنا
انا اصلي ماشيه
بعد ما خلصت الألم
والصبر خلص كل اعذارنا سوا
والحب فاتنا فالنهار قبل المسا
مين اللي قالك
اني هرضي بقربنا
انا قبل ما امشي
خلصت فيك كل الامل
قبل الندم
انا قلت اصبر جايز حنين الشوق ياخدني
او حتي ذكري تكون لنا ترجعني ليك
صدقني امشي
فوتني ودور علي تصبر عالالم
مين اللي قالك
قلبي مات
استني اسمع دقته

اترك تعليق