إسلام الشاطر: «تصريحات عصام عبدالفتاح تقول إن الأهلي هيخسر الدوري»

فتح إسلام الشاطر نجم الأهلي السابق للنادي الأهلي النار على عصام عبدالفتاح رئيس لجنة الحكام بسبب تصريحاته الأخيرة.

وقال الشاطر خلال ظهوره بقناة النادي الأهلي : « الأهلي خسر الدوري الموسم الماضي بنسبة 20% بسبب مستوى فني وبنسبة 80% بسبب التحكيم الحكام نفسهم عارفين كده ومحدش هيقبل ده يحصل للموسم الثاني على التوالي جمهور الأهلي بيحبك ياكابتن ولكن كأداء صعب جدا وتصريحاتك فيها تلميحات لتوجيهاتك غريبه جدا قد تصل إلى حرمان الأهلي للموسم الثاني على التوالي انا شايف التصريحات رايحة في هذا الاتجاه».

إسلام الشاطر لـ”عبدالفتاح”: «لما تطلع تتكلم أتكلم للأهلي زي ما بتتكلم للأندية التانية»

وتابع : «عمال تدافع وكان في لعبة للأهلي في مباراة البنك الأهلي وهي نفس لعبة الزمالك قلت هنا تحتسب وهنا لا إحنا عايزين تحكيم عادل وتقول ليه الاهلى

بيطلب حكام أجانب لما تطلع تتكلم أتكلم للأهلي زي ما بتتكلم للأندية التانية عمري ما شفت حضرتك بتقول إن الأهلي له حق في حاجه ممكن مرة في سنة ولكن لو لحد تاني لو سمحت ياكابتن عصام التزم الصمت وقالوا لك في اتحاد الكرة مالوش لازمة الكلام وحضرتك مصمم».

التعليقات متوقفه