اسماء يوسف تكتب : اسكندرية و النقاب

0

يا عروسة يا من العين محروسة وفى وسط البحر الأبيض ملكة.

كانت لما الدنيا تضيق علينا نطلع على البحر ونشوفه بعينينا، ونأخد انفاسنا والعيال تلعب حولينا ، قالوا البحر محاوطك من كل ناحية حنأخد منه بس حبة ، ونسيب الباقي لشعبك الغلبان والأحبة ، وبعد وقت وفترة قالوا حنأخد منه تانى أصل العشاق رايحة وجاية ، واحنا اصلنا بلد محافظة .

حنسيب من البحر حتة لشعبك الغلبان وبلاش الأحبة ، قولنا وماله ادينا بنشوفه وبنمر عليه وحبة حبة أخدوا البحر من الناس والشعب والأحبة يرضيكوا يا مصراوية يلبسوا النقاب لمحافظة اسكندرية ويمنعوا عنا الهواء والبحر والميه خايفة انسي شكله وهواه ورمله وابقى عايشة فى اسكندرية واتخيل البحر فى اغنية فيروز شط اسكندرية واعمل طول السنة جمعية علشان اعرف اخرج من النقاب فى يوم واشوف بحر اسكندرية فى السنة اللي جاية وانا جواكي عايشة فيكي يا اسكندرية.

اترك تعليق

يرجي التسجيل لترك تعليقك

شكرا للتعليق