بسنت عثمان تكتب : صباحكم سعادة

الحياه مش بتتفهم متحاولش، مهما اتعلمت وعشت وشوفت تجارب .. مهما حاولت تفهمها وافتكرت انك جبت اخرها وفهمتها بتلاقيها لسه بتبهرك وتفاجأك وتلاقي نفسك واقف عاجز قدمها وكأنك طفل صغير لسه بيبتدي يحبي فيها وهي بتقف تطلعلك لسانها وتقولك لسه بدري عمرك ما هتعرف تجيب اخري
نيجي للاسئله المهمه
اومال اعمل ايه ؟؟
انت اصلا مش مطلوب منك تفهم .. لكن مطلوب منك تحاول .. طول الوقت تفضل تحاول تفهمها والأهم أنك تحاول تفهم الناس حواليك
لكن مهمتك الأساسيه هي أنك تفهم نفسك تحفظها تفهم رسالتك ايه علي الارض .. تفهم ليه ربنا خلقك اصلا وجابك الدنيا ( لاااازم تلاقي الرساله )
لأنك جاي هنا تؤدي مهمه معينه وماشي تاني وخلي بالك الوقت مش في صالحك
وعلي رائ الفنان أحمد مكي ( لو ملكش عازه مكنتش اتخلقت )
قوم دور علي الرساله
الدنيا مبتتفهمش .. الدنيا بتتعاش
#صباحكم_سعاده ?

تم ايقاف التعليقات وسيتم فتحها قريبا