بص يا دكتور .. من أشعار «محمد دنيال»

0
بص يا دكتور
هرمون الشوق عندي زيادة
محتاج لعلاج
وانا جاي فكامل الاستعداد
عايز جلسات وتخففني
انا اعلم بيا وشايفني
م الداخل متدمر خالص
هرمون الفرحة اكيد ناقص
محتاج لمكمل للضحكة
هحيلك عن شكوة حالي
في السكة واخرة ترحالي
يمكن تفهمني كمان بوضوح
انا عندي جروح
أثر الماضي
اثر التقليب على كام ذكرى
عن بنت انا عاشق لترابها
بعدت مابقتش خلاص فاكرة
وانا لسة ف قلب الليل مشتاق
وانا اكتر حاجة بتوجعني
الشوق في فراق
فيه حاجة كمان
انا كل ما ائمن حد…اتخان
والقاني لوحدي مع النهايات
انا عندي صديق واحد سافر
ووحيد الاهل بدون اخوات
كان عندي زمان .. حبة احلام
ولقيتهم صبحوا ف لحظة كابوس
كل الاحلام محتاجة فلوس
وانا يعني يادوب بملك اكلي
مع كام هدمة بيبوشوا اوام
بص يا دكتور
انا ما بفضفضش
ولا عندي الطاقة اني افضفض
ولا بفرض نفسي عليك يعني
وبلاش تستعطف ف كلامك
انا حتى العطف بيوجعني
طمني فيه امل اني اتعالج ؟
ام حالتي عادتها الواضح سد ؟
لو قولت علاجي اني ادور
فانا اسف جدا مش عايز
اتقل على حد
احجزني يا دكتور طول عمري
في مكان تاني
وانا مش تعبان بمرض جسدي
انا مرضي الظاهر نفساني
mohamed_danial#

اترك تعليق

يرجي التسجيل لترك تعليقك

شكرا للتعليق