كتب- محمد أبوطالب
قالت صفحة ثورة الإنترنت، إن الأمن الوطني ألقى القبض على أحمد عبد النبي مؤسس الصفحة، فجر اليوم السبت، وأرجعت الصفحة سبب القبض على مؤسسها لقيامه بنشر سلسلة وثائق تدين الدولة باكملها في حجب خدمات الـ Voip، ومحاولة مراقبتها واستخدام اجهزة DPI، (حسب ما ذكرت الصفحة).
وكان أحمد عبد النبي، قد قال عبر تدوينة فجر اليوم، إن “أمن الدوله بيدوروا عليا عند بيتى القديم ورايح اسلم نفسي دلوقتى !”.
وقالت الصفحة عبر تدوينه، على موقع التواصل الإجتماعي “فيسبوك”، اليوم السبت، “في الغالب لو أنت مستخدم انترنت منزلي أكيد سمعت عن عروض ميجا بلس وباقي عروض الشركات أو فيما يسمي (تسعيره الإنترنت الجديدة)، أحمد عبد النبى الشخص ده بصوتكم كان هو السبب في التسعيرة الجديدة اللّى حضراتكم كلكم بتستخدموها، واللّى في نفس الوقت مازال بيطالب إن مش هو ده حقنا، وان لسا لينا حقوق تاني في أسعار الانترنت”.
وأوضحت الصفحة، “أننا مش طالبين منك غير إنك زي ماحنا تعبنا وبنحاول نجيب حققكم وحقنا, تتعب معانا في التفاعل مع الهاشتاجات دي#الحرية_لثورة_الانترنت
#الحرية_لأحمد_عبدالنبي, لان ببساطه مفيش أي نص في القانون يطالب بحبس أحمد، ومفيش أي قوانين للمناضلة الالكترونية”.