ريما المهدى تكتب : متحرقوش مراكب الامل

0

في دايرة معارفك دايما حتلاقي شخص بيمتص طاقتك دايما بيشتكي دايما نظرته سلبيه دايما شايف نفسه مظلوم والعالم كله ضده او متشاؤم من اي حدث بيحصل ويبتدي بقا يحرقلك مراكب الامل بتاعتك وينشر الطاقه السلبيه في محيطك ويقلل من اصرارك وعزيمتك للنجاح وتبدء تشوف الدنيا بنظارته السوداء وكانه نقل ليك عدوي الأحباط …وفي كثير من الأحيان ما يكون الأشخاص الذين يصدرون الطاقة السلبيَّة هم زملاءك في العمل أو أصدقاءك أو أقاربك، طيب لو ده حصل اعمل ايه ؟ لو ميهمكش الشخص ومش مضطر للتعامل معاه فورا انتقل من المكان الي هو متواجد فيه وحاول ما تتعاملش معاه ولكن إذا كنت معرضاً في حياتك للتعامل مع أحد هؤلاء الأشخاص السلبيين، يبقي احنا حنكتبلك روشته صغيره تتجنب بها تأثيرهم السيئ عليك، هات ورقه وقلم واكتب معايا الي جاي:

١ـ اعتبرهم غير موجودين: تجنبهم تماماً وفي هذه الحالة اعتبرهم غير مرئيين، تجاهل وجودهم اجعل الاحاديث قصيره جدا قدر الأمكان.
٢ـ طيب لو مش حينفع اتجنبهم يبقي نحاول نخلي الشخص ده يشوف الامور من منظور مختلف يبص علي زاويه مشرقه يشوف مركب امل في بحر حياته حاول تنور النور في النفق المظلم داخله .
٣ـ طيب حاولت اخلي عنده امل وطاقه ايجابيه ومنفعش هو مصمم علي نظرته السوداويه للامور يبقي متاخدش كلامه على محمل الجد وما تهتمش كثير لكلامه اللي حيفسد مزاجك ويقلل من عزيمتك ويسرق طاقتك .
٤ـ اخر حل متحاولش تجادله لأنَّ الجدال معاه حيضرك اكتر ما ينفعك وحينقلك كثير من الطاقة السلبيَّة ويمتص طاقتك الإيجابيَّه
بيتهيألى كل واحد فينا دلوقتي جه اسم شخص في راسه حيتعامل معاه بموجب الروشته دي وكلم ومش حيسمحله يحرق مراكب الامل بتاعته لمجرد انه معندوش نيه للأبحار في بحر الحياه
#مراكب_الأمل #المبهجه #صائدة_الأمل #ريما_المهدي

اترك تعليق