عادل حراز يكتب : دولة أم حودةالديمقراطية الشعبية وزارة الاعلام البديل

0

 

بيـــــــــــــــــــان رقم ( 1 )

نظرا لان ربنا رحمنا من بتوع المهرجانات ومحمد رمضان واتباعه فكان لا بد ولزمن ان تقف كل النسوان صفا واحدا في محاربة الكورونا ونكمل جميلنا وبناء عليه :
تهيب بكم الست ام حودة ان تجلسن في بيوتكن وتلتزمن كل النسوان بتعليمات الدوله في النظافه وعدم ترديد الاوشاعات واستعمال الكلور في كل شيىء حتى لو في اوضة النوم ( الاحتياط واجب برضه ) حتى لو اتحرق بسلامته المهم سلامة الجنين !
والاهم بقى لازم تفعلوا الجرس وتعملوا صب اسكراين ( هى قالتها كده) علشان البوست ده يوصل لكل النسوان اللى في مصر المحروسه وبنصحكم نصيحه لازم كلكن تغنوا غنوة الاخت عفاف راضى وتشوفوها على اليوتيوب علشان يوصل عدد المشاهدات الى مليارات ونضرب بيكا وشاكوش وبنت الجيران وولاعة محمد رمضان وازايز ويسكى نجيب ساويرس
الغنوه هى :
وحدى قاعده في البيت
كلمات محمد حمزه
لحن بليغ حمدى
وبكده حتبقى نسوان مصر هن الاعلام البديل بجد … واظن مفيش احلى من انكم تغنوا وترقصوا على وحدى قاعده في البيت . مش كده ولا ايه ؟

سهير تنايه
وزيرة الاعلام البديل في دولة الست أم حودة

اترك تعليق

يرجي التسجيل لترك تعليقك

شكرا للتعليق