عادل حراز يكتب : ف اسكندريه الهوا طازه

0

كل ما تقرب منها
تحس اكتربحنينها
تحضنا اطفال ومشايخ
زى الامومه لجنينها
ف اسكندرية الموج صوفى
م الفجربيصلى وشوفى
فارد عبايته على كتوفىى
والرمله ع الرجلين حنه
ف اسكندريه الهوا طازه
ما اخدش ولا مره أجازه
ممكن تعبيه فى ازازه
حيخلى حرك ده جنه !
اسكندرية دى ناس تانيه
من نظرة تعشقها ف ثانيه
الطيبه باينه على وشوشها
حافظه الايمان فرض وسنه
اسكندرية الروح والقلب
يونانى ربا قطه وكلب
اتمشوا ع الكورنيش ف الكامب
رقصوا سوا والموج غنا
يا اسكندريه بقولك إيه
البحر ليه بيغموا عينيه؟
وسلسلوا بالظلم ايديه؟
وصلبوا ع السور أحلامنا !

اترك تعليق

يرجي التسجيل لترك تعليقك

شكرا للتعليق