عادل حراز يكتب : لسه .. بمناسبة ٣٠ يونيو

0

لسه الحل الصح ف ايدك
لسه وجودك ف الإمكان
طول م ايمانك جوه وريدك
راح تكسر سيف الاحزان
لو حتشيل الطبقه العازله
الموجوده فى كل مكان
المحشوره مابين الحاكم والمحكوم
اللى بترفع راية الظالم
و بتهضم حق المظلوم
اللى بتعزل بين احلام الشعب وبينك
اللى تخلى الصوره الحلوه
وحشه فى عينك
طبقة زى الجير بتبان
بين اللثه والاسنان
بيعشش جواها السوس
وبتهجم زى الهكسوس
وبتخلع فى ضروس الامه
وتثبت ناب الطغيان

 

اترك تعليق

يرجي التسجيل لترك تعليقك

شكرا للتعليق