عادل حراز يكتب : مين اللي يقدر

0

مين اللي يقدر فينا

يبص في مرايته ؟

مين اللي يقدر يواجه

حقيقته ف خسارته ؟

مين اللي يقدر يقول

انا كنت يوم غلطان ؟

مين اللى شاف ضميره

رغم الهدوم عريان؟!

كان لازم تغيب الشمس

كان لازم يطول الليل

كان لازم في وسط العتمه

نلمح ضمايرنا

بعدت كتير وللا…

متمسكه بدينا ؟

مين اللي قلبه يشوف

في العتمه بضميره؟

مين اللي جوه عينيه

تلقى شعاع خيره؟

مين اللي حب لنفسه

نفس اللي حبه لغيره ؟

مين فينا رغم العتمه

كان إنسان ؟

مد الايدين للتانى وقاله:

لسه في قلبى مكان !

فرد ضلوع الرحمه ومسح

م القلوب  أحزان !

 

 

اترك تعليق

يرجي التسجيل لترك تعليقك

شكرا للتعليق