كامل عبدالظاهر يكتب : رمضانيات “١٠”

0

_ لو وقفوا قنوات ‏beinsports‏ في مصر احنا نسرق الماتشات زي ما الدولة ذاعت ماتش غانا في كوماسي وابوهشيمة يبقى يدفع الغرامات على الجزمة القديمة .     _ تونس لو عملت مقاطعة لقطر ورؤوف خليف وعصام الشوالي سابوا القناة هما كمان مش بعيد ناصر الخليفي يجيله صرع .

_ ناقص وزير خارجية قطر يطلع يقول ان خسارة علي سعيد الكعبي بالنسبالهم اكبر من خسارة مصر .

_ ازاي محمود البزاوي عامل دور ظابط شرطة في مسلسل كلبش ومش مربي شنبه ؟ ايه الاستهتار ده !        _ انا كرهت امينه خليل بسبب الصور اللي الناس بتشيرها على الفيسبوك وتكتب تحتها كلام من ايام جراند اوتيل السنة اللي فاتت … الافورة بتكره الناس في أي حد.

_ رامز تحت الارض .. أحمد فتحي جامد فشخ بيقوله هروح امبابه بقى يطبلولي ويزمرولي .

_ محمد رمضان تلاقي الصول بتاعه منفسن ان عسكري اشهر واحد في الكتيبة بس خايف ليعمل معاه زي ما عمل مع عصام النمر .

_ انا خايف شريف منير ياخد كريم عبدالعزيز على جنب في مسلسل الزيبق انا مش ظابط في المخابرات المصرية انا اسمي الحقيقي دانيال .

_ الراجل اللي عامل دور سيد قطب في مسلسل الجماعه 2 شبه سيد قطب اكتر من سيد قطب نفسه .                  _ ممثل زي محمد ممدوح ده انت ممكن ترميه في البحر وهو هيقنعك انه سايق طيارة عادي .

_ نيللي كريم تروح تتجوز أحمد عز والله هتلاقيه في فواصل الإعلان بين المسلسل وتنقط زينه .                   _ عيب اعلانات المشاهير اللي بيغنوا فيها دي انها بتفقد قدرتها على الإبهار بعد تالت يوم تقريبا بإستثناء هنيدي … هنيدي غير .

اترك تعليق