كامل عبدالظاهر يكتب : رمضانيات “4”

0

كنت مستغرب ان دلال عبدالعزيز مش عايزة تدفع الفين جنيه للست وتركب لها الحنفية لحد ما شوفتها بتشنع على عمرو يوسف ابنها في عشم إبليس . _ بنك مصر بالاعلانات اللي بترمي المشاكل عالشباب الكسول السلبي الوحش المفروض يغيروا اسم البنك لبنك بلجيكا أو بنك سويسرا . _ سامو زين في الغناء لا إله إلا الله وفي التمثيل لا حول ولا قوة إلا بالله . _ قناة صدى البلد مابتعرضش تقريبا غير مسلسلين بس هما كلبش وظل الرئيس.. خلط للسياسة بمسلسلات رمضان . _ بتوع دي ام سي لو كانوا تابعوا حلقات خلصانة بشياكة وشافوا مكي وهو مقضيها اكل ضفادع كانوا غيروا معاد عرض المسلسل وخلوه بعيد عن وقت الفطار . _ الناس هتبدأ تتابع مسلسل واحة الغروب لما منه شلبي تتعلم عربي احسن كده هيبدوا ينونو زي القطط . _ اعصر على نفسك لمونه وتابع حلقة واحدة من شاش في قطن وصدقني عمرك ماهتكررها تاني . _ انا مقدر ان كوبر ارجنتيني واول مرة ياكل فتة ويقضي رمضان في مصر بس ده حتى لو بيصوم زينا وبيفطر فشة اكيد مكنش هيضم عمرو جمال للمنتخب . _ يا خسارة كان فيه قناة حلوة اسمها قناة الحياة … دي عايزه اجازة عارضة زي بتاع منى .

اترك تعليق