كامل عبد الظاهر يكتب: الأهلي في البطولة العربية

نفسي افهم ليه التصوير ده مش متاح في الدوري ؟ وليه التنظيم ده مش متاح في الدوري ؟ مصر عاملة زي الاب اللي مجوع عياله عشان يجيب هدية لاخوه الغني.

_ لما حسام غالي يتقمص ويشتم يلعب اساسي ولما عماد متعب يتقمص حسام غالي يلعب اساسي برضه الاهلي بيحكمه الحسابات مش المبادئ.
_ الاهلي بيضهد متعب لدرجه ان اكاونت النادي على تويتر عامل فولو لحمودي واحمد عادل عبدالمنعم ومش عامل لمتعب.
_ معرفش صالح جمعه بيلاقي ياكل منين من كتر العقوبات اللي الاهلي بيوقعها عليه.
_ حد يدي رامي ربيعه 5 جنيه هدية على مستواه في البطولة عشان معيش فكة.
_ حد ضاحك على محمد نجيب ومفهمه انه بني ادم اصلا.
_ لاعب زي صبري رحيل ده المفروض يتم الاستغناء عنه مجانا.
_ عماد متعب هيفيدك لو انت متواجد طول الوقت في منطقة جزاء الخصم ومحتاج المهاجم يلمس لمسة واحدة غير كده مش هيفيد.
_ ماتش النهارده كان فيه بتاع ربع ساعه وقت ضايع بس الحكم قال هما 8 دقايق بس ومفيش دقيقة هتخرج زيادة من الوزارة.
_ مدحت شلبي كان جازز اوي وهو بيقول “اين الخلل في النادي الاهلي” .. كان فاضله تكة ويقولهم يا ولاد الخلل.
_ كنت افضل ان اللاعبين اللي في اجازة ميلعبوش مش معقول اجيب لاعيبه من الساحل الشمالي على الملعب.
_ حسام غالي وربيعه وصالح جمعه افضل لاعبي الاهلي في البطولة وازارو مهاجم اكتشاف ووالله العظيم اجاي مش جناح.
_ ياريت الاهلي يقفل الصفحه ونركز في الترجي لان افريقيا هي الاهم.

تم ايقاف التعليقات وسيتم فتحها قريبا