كامل عبد الظاهر يكتب: تحليل إياب السوبر الإسباني

_ أداء برشلونه النهارده “سبحان المعز المذل” والفريق بقى ميسي وسواريز وتسعة بؤساء.

_ زيدان بيجرب لاعيبته ويريح نجومه في الكلاسيكو… تهزيق ليفيل زيزو.

_ البرسا لو كان يعرف اللي فيها مكنش كسب الكاس .. وسواريز بعيد عن مستواه حتى في العض.

_ الواد جونيور ابن رونالدو لو نزل حتى كان هيسجل وكرستيانو لو كان لعب كان دغدغله عشرة خمستاشر رقم قياسي.

_ برشلونه محتاج يعوض انيستا وشافي اكتر ماهو محتاج يعوض نيمار … برشلونه مجاش … جملة ستقرأها كثيرا هذا الموسم.

_ كوفاسيتش ده سكينه في جاتوه خالص مش ممكن.. و مارسيلو والكورة في رجله تحسه طاير فوق السحاب.

_ عزيزي القارئ اذكر عدد المرات التي سيقول فيها ميسي ‏fuck you ‎‏ لإدارة برشلونه واللاعبين والمدرب فاليفردي هذا الموسم وكان عندي إحساس انه هيدفع الشرط الجزائي بين الشوطين ويمشي.

_ جول اسنسيو فكرني بالضربة الصاعقة بتاعة كابتن ماجد .. وكانوا طلعوا بنزيمه ونزلوا ابوهشيمه يجيب له جول هو كمان.

_ الريال بتشكيلته دي يتقل أي لاعيب ده حتى زيدان لو نزل لعب بالبدلة ومن غير تسخين في أي مباراة هايهاتريك.

_ ابوهشيمه وهو بيتفرج جنب كرستيانو فكرني باحمد فهمي في الحرب العالمية التالته لما قال “بوب مارلي بنفسه ده كان اقصى طموحي احشش مع بهاء سلطان.

تم ايقاف التعليقات وسيتم فتحها قريبا