كامل عبد الظاهر يكتب: تحليل مباراة القمة 114

0

_ ماتشات زي اهلي وزمالك دي محتاجة لاعيبة عندها شخصية ولاعيبة الزمالك اغلبهم نمسك الخشب كده معندهاش بربع جنيه.

_ مفيش تفسير ان حسام البدري يبدأ بالشكل الهجومي والضغط الرهيب ده من اول المباراة غير انه شايف الزمالك مش فرقة.

_ حسام غالي نجم اللقاء الاول وصالح جمعه متألق كالعادة واجايي مهاجم محطة ولا اروع ومؤمن الأسوأ في الاهلي.

_ احمد فتحي النهارده كان بيلعب على حزام الWWE‏

_ الاهلي السنادي كسبان دوري بدون هزيمة واقوى خط دفاع في البطولة وارقام ما انزل الله بها من سلطان .

_ اخيرا علي معلول اكتشف انه لو عدى نص الملعب بتاعنا مش هيتلسع مخالفة … كفارة يا معلول.

_ التفسير الوحيد ان مدحت شلبي بدأ استوديو القمة بدري كده وهو ماتش مش مصيري ان مراته طرداه من البيت ومش لاقي حتة يقعد فيها.

_ لو حكم مصري كان حسب على امه فاول ولا انه يحسب على احمد فتحي انذار في اول 6 دقائق من الماتش.

_ اجواء الديربي المرادي عاملة زي أجواء حلقات الشيف شربيني.

_ ستانلي الوينج بيدافع احسن من ناصف الباك .. المفروض الزملكاوية يلطموا والله.

_ المهرج مكنش عاجبه يقعد دكة للشناوي لحد ماقعد دكة لعمر صلاح.

_ اجايي استلم ولف وسطه وشاط ولا اروع وباسم مرسي تقريبا في التمرين بيتمرن انه يركن الكورة بره المرمى.

_ إبراهيم صلاح عالمي والله.. معاه خبرة 9 سنين في مجال هو معندوش عنه فكرة.

_ طارق حامد تحسه بقى شغال شغلانة تانية بعد الضهر يحسن بيها دخله.

_ واضح ان في دور دفاعي عظيم سري للغاية لا يرى إلا بالميكروسكوب ونضارة ايناسيو بيعمله إبراهيم صلاح مايقدرش دونجا يعمله.

_ الونش ده معندوش ‏average ‎‏ ؟ يعني يا يلعب مصارعة يا يلعب باليه.

_ محمد ناصف تحسه كان شغال مهندس في انبي قبل ماييجي الزمالك.

_ حسني فتحي خلوق اوي في الدفاع اللي هو ساعات بينسى ويتفرج عالماتش زينا.

_ مبروك للاهلي وبالتوفيق في القادم بإذن الله.

اترك تعليق