كامل عبد الظاهر يكتب : رمضانيات “٧”

0

_ منظر برج العرب وهو فاضي يجيب حموضة…و لعيبة الزمالك مش هيسيبوا ايناسيو غير في مستشفى الدمرداش .

_ محمد حلمي المدرب السابق للزمالك تعامل مع قايمة افريقيا زي أي طالب بليد امه قايلاله ماتسبش الورقة فاضية في الامتحان حتى لو مش عارف حاجه .

_ ياريت حد يصالح أيمن حفني على ايناسيو ويكسب في جمهور الزمالك ثواب .

_ خايف جمهور الزمالك ينفخ في مايوكا على جول هو مالوش دخل فيه لحسن الواد يفرقع منهم وهو مش ناقص نفخ .

_ معرفش المهاجم يبقى اسمه مهاجم ازاي لو مش عارف ياخد قرار يشوط امتى ولا يركن امتى ولا يقطع عالقريبة ولا يفضل عالبعيدة … ايوه انتا يا باسم  .

_ طول ماباشا مصر الرائد امير كرارة محبوس طول ما وزارة الداخلية مش هتعرف تأمن ماتشات .

_ لن يرفع الغلاء حتى يخرج سليم الانصاري من محبسه … باشا مصر .

_ تتر لاعلى سعر ولا تطفئ الشمس قد ايه حلوين والله . _ طلعت حرب لو رجع وشاف اعلانات بنك مصر هيقول الله وانا مالي يا لمبي .

اترك تعليق