كامل عبد الظاهر يكتب : رمضانيات ” 1″

0

_ كلبش … تقريبا هنقعد نص حلقات المسلسل عشان نقدر نستوعب ان امير كرارة هو الظابط مش البلطجي . _ الحياة ليست عادلة لما فضل شاكر يعتزل وسامو زين يغني وكمان يمثل . _ مش الفكرة ان سامو زين يعمل بلطجي بملامح وشه دي ولا انه مبيعرفش يمثل بس مفيش بلطجي صوته مسرسع كده . _ وجود هاني رمزي ببرنامج مقالب كل رمضان اصعب عالمصريين من طول ساعات الصيام وقصر ساعات الفطار ورمضان اللي بييجي في عز صهد الصيف وارتفاع الأسعار. _ اعلان كرستيانو رونالدو كان هيبقى اكثر واقعية لو هو بيلعب مع العيال في الشارع وواحد رش ميه عليهم . _ كرستيانو رونالدو ناقص يهادي ابوهشيمه بواحدة بالون دور يحطها في الصالون . _ عفاريت عدلي علام … مقدرتش أشوف غير عشر دقائق تقريباً أسخف عشر دقايق في تاريخ عادل إمام المهني . _ خلصانة بشياكه … أحمد مكي له وحشة والله . _ سلامو عليكم في قاموس رامز جلال معناه فيفي عبده .. فيفي عبده ضيف دائم على رامز كل سنه . _ طبعا مسلسل هند صبري وظافر العابدين ابطاله اتنين توانسة وشغل شمال افريقيا بقى هيضيعوا وقت طول المسلسل ومش هيمثلوا وهيكروتونا . _ إبراهيم الابيض ، خطوط حمراء ، الحصان الاسود .. ياترى لونك الجاي ايه يا أحمد يا سقا … بصوت ميمي الشربيني ….

اترك تعليق