كامل عبد الظاهر يكتب: رمضانيات “2”

0

– عاجبني إعلان جمعية رسالة عن التبرع بالملابس القديمة، بس هدوم نيكول سابا القديمة المحتاج هيلبسها إزاي؟

– مسلسل عشم إبليس حب يدخل في الموضوع على طول وعمرو يوسف فقد الذاكرة من أول حلقة …. وعادل إمام مدخل ابنه ‏Mbc‏ أبناء عاملين.

– ياسمين صبري وشيري عادل أحلى حاجه في مسلسل الحصان الأسود … وكالعادة برنامج الصدمه من أحسن الحاجات اللي اتعملت في رمضان.

– مش هاقدر أقول حاجه عن كفر دلهاب غير أن عين يوسف الشريف في التتر بمسلسلات رمضان كلها.

– كنت مستغرب ان عمرو يوسف عمل فرحين هو وكندة لحد مالاقيت كمية الإعلانات إللي عاملينها في رمضان دي … أنا ناقص أشوف عمرو يوسف وأقف باك ليفت للأهلي بكرة قدام المقاصة.

– هيكتور كوبر في إعلان فودافون بعد ما معدته وجعته قعد برضه يدافع عن الفتة … كله دفاع دفاع.

– دنيا سمير غانم إبنة مثالية فشخ عشان بتحشر أبوها في أي دور في أي حتة في مسلسل بقالها 3 سنين أهو.

– كهربا في مقلب رامز مكنش خايف على حياته ولا على حياة مؤمن أد ما كان خايف على الحزام بتاعه ولا كأنه حزام الـWWE‏

رمضانيات 1

اترك تعليق