كل البراهين .. من أشعار «محمد دنيال»

0
#كل_البراهين
-كل البراهين الموجودة
بتقول فيضان يجتاح عمرك
كل اللي حصدته خلاص هيروح
– أصلاً عادي
وأنا حاصد إيه غير كم جروح؟
أنا عايز أردم فالماضي وابني على جديد
الفكرة أكيد فالموت ذاته
أنا واحد كمل في حياته مع بعض الناس
وقابلت كتير من كل اجناس
بنداس وبقوم وانداس تاني
وحكيت لوشوش مس سمعاني
وسمعت كتير
ورضيت بمصير عارف إنه
راح يلهي الواحد عن سنه
مالقيتش ظروفي مسعداني
أنا بين الناس عايش جسداً
إنما بين نفسي أنا وحداني
وقضيب السكة المنهية
في طريق أحلامي الوهمية
أعوج وراح واخد سكة
نهايتها سدود
أنا يمكن أعود …
بس أنا مش لاقي سبب دافع
أو نافع أكمل بيه جايز
فيضان العمر أن كان شافع
فهسيبه يبروزلي حياتي
ويعوض كل ما كان مني
وأرجع وكأني ما كنتش يوم
وأبدأ من خانة أصفاري
مع عمر جديد
كل المواعيد أنا هنساها
وأبدأ مواعيد
كل البراهين الموجودة
هشطبها وهقطع أوراقها
أحلام هحلمها وأصدقها
واهدم فمكان
– كل البراهين بتقول إنك هتموت عشمان
mohamed_danial#

اترك تعليق

يرجي التسجيل لترك تعليقك

شكرا للتعليق