محمد الجوايدى يكتب : ميمورى

محمد الجوايدى يكتب : ميمورى

0
ميموري
بسم التاريخ الخالي مالحواديت
بسم اللي باقي من جدار البيت
بسم الميلاد ومافات
بسم الوجع ومازاد
عالخمسه فوق عشرين
بسم اللي باقي من عظام ورفات
بسم الهلال أول مابان تشرين
بسم الأنين / … (9تشرين الاول 2002)
فـ اكتوبر التاسع بعد انحطاط المهزله
ونزولي أرض الموبقات
أول صراط أمشيني فيه كات مسأله
فـ كتاب دراسة العاهرات
مما تلا …دق الصاجات
علي خد طفل التاسعه
الضربه كانت موجعه
وكأنني أجرمت قذف المحصنات
حلَ السُكات والصمت ساد
خاف الولاد قبل البنات
زاد العناد لكن مافاد
تركوا جميع الأسئله
دقت صاجات الهرتله
بالإنقياد طوع الكتاب
أول طريق أمشيني فيه
فيه أرغموني أكون غياب
….. بسم الغياب ( 20 ايلول 2011)
 
بسم انحطاط أول متاهه في الدروب
مابقتش قادر غير يدوب
امسك كتاب وانظر إليه
مش حب فيه
لكني مجبر أجمعلهم شهادات
هايفيد بإيه إن كنت عالم
علي أرض مأوي العاهرات
اطوي الكتاب وامسك صاجات
لِفْ في بارات المؤمنه
مُتدينة / بالطبع أجمع أهلها
الجامعه صرح اسمه الحرم
فـ الطبع كان يشبهلها
(1 كانون الاول 2014)
تالت دروبي المظلمه
فـ كتاب حياة الموبقات
بسم الحاجات المؤلمه
ومعتمه عالذكريات
بسم اللي فارقوا للسما
بسم العمى بعد اما فات
بسم اللي كان دايم ودادي
وفـ يوم ميلادي قالولي مات
1 كانون يشبه شباط
مابقتش تفرق في التاريخ
كل اللي جاي جايب صريخ
عـلي فراق المُلهمه
يامقسمه وشاقه الضلوع
مابقتش قادر عالخضوع
كل الدروع اتهتكت
مابقِتش تحمي واشتكت
ضرب السيوف
كل الحروف نزفت بـ خوف
مشيوا الضيوف وبقيتي انتي
ومشيتي انتي لكن فضلتي
ساكنه القصايد والحروف
(30تموز) …. 2015
يوليو العجوز شهرالسنه
عدي عليا سنين عجاف
طاف المطاف
ولقتني واقف وسط بحر اسمه مويس
الحيله صاحبي بيستجير وبيستغيث
والموج بيصرخ من ديوث
واقف يشاهد من بعيد
كان يجري إيه لو مد إيد
يفدي غريق بحر الغمم
كل الهمم اتجمعوا علي جثته
طب كنتوا فين وقت اما ضل لسكته
وغلب عليكم السكات
كل اللي كان بيضل فيه
جاي يواسيه بعد اما مات
لو تعلموا إن الضحيه
كاتب وصيه فـ شأنكم
وتنص إن جميعكم
بالكاد فـ سلة مهملات .. (1كانون الثاني 2016)
أول ديسمبر بعد استلام
ختم الحَمَام علي شهاده موقره (النسر)
للملكي دُر أصبحت حر إمشي ومُر
واسلك طريق المسخره
والهلس خلف المعتوهين
كي لاتكن مـالمُذنبين
إمشي في طريق الملعونين
وإياك تكون مالمنبوذين
فـ عليك إن نادي الإمام
إن السلام أصبح حرام
إنك تنادي تقول آميييييين
آخر طريق أمشيني فيه
فيه اتقتلت خطأ كمين

اترك تعليق

يرجي التسجيل لترك تعليقك

شكرا للتعليق