مصطفى شرف يكتب : رايح أزور قبــــــــــــــر أمـــــــــــــي

0

 

(جايلك يا أمي)

يا أحلى غنوة نطقها فمي
جاي أقولك سبب همي
عشان يا مه تمسحي دمعي
وتفسري لي سبب غمي
^^^ ^^^
جاي أزورك
واتملى بنورك
واغرف نقطة من بحورك
يمكن أمسك شالك ولا أطولك
يا مه وحشني صوت عصفورك
^^^ ^^^
جاي أشم عطرك واصبر روحي بيه
واتخيل توبك واملي عيني فيه
وأعين عليكي طشت مش قادرة تشيليه
وأسمعك بتدعي بكري ( اللـــــــــــه يخليـــــــــه )
يا مه أقول لك : إيه ولا إيه ولا إيه
^^^ ^^^
جاي وحابس دمعي جوايا
وبسأل ليه أمي مش معايا ؟
ياريتك يا أمي ويايا
يا أحن أم قالت : يا ضنايا
عزائي يامه إنك عند رب البرايا
^^^ ^^^
فاكرة يامه ليلة ما مُتي ؟
لما سألتك عن أبويا قلتي في زيارة
وسألتك عن أحمد قلتي في الحارة
وعمتي سنية كانت معاكي والسهرة جرارة
ليلتها يامه عرفت إنك مُتي ….
^^^ ^^^
ليلتها نزلت زوجتي وبنتي
وفضلت قاعد في سيارتي
وعن المووووووووووووووووت طالت عبارتي
آية ..حديث ..حكمة .. شعر واتغيرت ليلتي
وضااااااااااااااااق صدري وبكت نفسي
^^^ ^^^
ولما جه الفجر أخويا محمد اتصل
وساعتها الخبــــــر الرد ي وصل
قلت :مش معقول إللي حصل !
يا جماعة مش أخويا اللي اتصل
ولاقيت كل شئ فصل ………..
^^^ ^^^
وكلمت رجب وسلامة
وساعتها قامت قيامة
وكان الحزن فرق وعلامة
واتنصب العزا وجم ناس يامة
جدة إبراهيم (قيمـــــة وقامـــــــة )
^^^ ^^^
ووقف ع الصوان أبويا وربنا العالم بيه
وصلى عليها محمد الله يخليه
ووقف نصر والحزن يكويه
ووقف عبدالحميد واليتم يفريه
وأحمد ينهج يا عيني عليه
وكل واحد عنده اللي مكفيه
^^^ ^^^
صاحت عواطف وأنوار
والدمع من البكا بل الدار
الدنيا ضلمة مع إننا أول نهار
محدش شايف لا أهل ولا جار
يا خسارة ماااااااتت ست الداااااااااار
يارب دخلها الجنة وابعدها عن النار
^^^ ^^^
زعلت لما مُتي وأنا بعيييييييد
وحسيت إن إيدي ممسوكة بحديد
كان نفسي آخد عزاكي ولو بتنهيد
سبحان من جعل الموت حق على العبيد
عشان كده جاي أزورك من بعيد
^^^ ^^^
وهقرا لك البقرة والأعلى
وادعو ربي يسكنك الفردوس الأعلى
ياست الكل يا اعز وأغلى
أمينة وانتي أمينة وأوفى
ابنك ( مصطفى )
مساء الثلاثاء
7/4/2015

اترك تعليق

يرجي التسجيل لترك تعليقك

شكرا للتعليق