وهو كمان بيحبك..
بس انتى جرحتى صمته الجميل
وهو كمان بيعزك..
بس انتى اهنتى شعره النبيل!!
وقصفتى قلمه المغموس
في ما ء النيل
في السلسبيل
وهو اللي كانت كلمته
نجمه ودليل
وهو اللي لسه
رغم ليل البعد بينكم
شايل الجميل
لو انتى مكانه هتعملى ايه؟!
هو عن نفسه عمره ماحيقول:
أسأل روحك زى غيره ماقالها
في الاغاني
هو حيقول:
الحب كله حبيته فيك!!
عشان انتى بالنسباله
مش اغاني …
انتى الاماني !
والنبع الاصيل!
#عادل_حراز