كتبت – رجاء عبدالنبي
أصبح الشارع منبرا للشباب السكندرى أصحاب المواهب الفنية للتعبير عن أفكارهم في شكل إبداعات فنية جميلة، ولذلك قرر مجموعة من الشباب نشر البهجة فى شوارع الاسكندرية واستغلال مواهبهم في تغيير المحيط الذي ينتمون اليه .
ولهذه الرسوم وظيفة أخرى وهي تغيير شكل جدران متهالكة و غيرها مشوهه بالكتابات العشوائيه و الملصقات الاعلانية، و هذا ما قام بيه كل من الفنان محمد فضه و محمد كاَبه و الفنانة الاء البنا رافعين شعار ” #انا_فنان_شارع “.
عند الحديث معهم قالت الاء البنا: “احنا فريق فنانين الشارع.. نازلين مش تبع اى حد بس قررنا ننزل نلون اسكندرية و نعمل بهجه بالالوان.. احنا مش تبع فنون جميله.. احنا كان من اهدافنا اننا ندمج بين الفن الجرافيتي و الماندالا و الكاليجرافي.. احنا اللى جبنا الماتريال على حسبنا و بنشجع فكرة رسم الشارع”
و قال محمد فضه: “الناس لو لقيت الحيطان نضيفة ده هيحفزهم ان عمرهم ما يرمو حاجة جنبها ابدا.. لا باهدم ولا بعمل ترميم.. يا دوب باستخدم ادوات بسيطة زي الاسبراي والفرشاة والبويا علي الحيطان” كما اكد على بدأ عملهم من السابعه صباحًا و حتى الوحدة بعد منتصف الليل عاملين على انجاز الرسومات و العمل على ما هو جديد فى مناطق و جدران جديدة.
و قال الفنان محمد كاَبها: ” احنا شغلين هدفنا البهجه و التوعيه للناس و دة هيبقي هدفنا فى رسومات الفترة اللى جايه عن طريق استخدام عبارات مثل: لن يهزم شخص يؤمن بنفسه ، الاخلاق نعمة و غيرها للمارة”