كان لازم يقنع نفسه انها مش غاليه عليه
وانها سابت بمزاجها ولا حست وقتها بيه.
كان لازم يعمل ناسي او انها ماتت فيه.
….
كان ممكن يفضل يضحك لو فضلت هي معاه
كان جايز هيعيش تاني لو فضلت ماسكة ايديه
بعدت واتخلت عنه وليلتها جراحه اتسمت
وانصهرت سائل مؤذي ونام بدمع عنيه.
كان لازم يقنع نفسه انها مش غاليه عليه
وانها سابت بمزاجها ولا حست وقتها بيه.
….
راح للدكتور شكيله من اللتهابات ف جبينُه
واتعصب يومها وقاله :اللون متغير ليه..!؟
وكأن في حرق في وشي مؤلم وسخيف المنظر
مش عارف حتي اداريه.
كتبله يوميها روشتة ومحوّل الي نفسية
شخصله يوميها الحالة انها امراض مُعدية
طبطب علي كتفه وقاله اللي مزعلك ارميه.
كان لازم يقنع نفسه انها مش غالية عليه
وانها سابت بمزاجها ولا حست وقتها بيه.
….
بقي ماشي يكلم نفسه مش شايف ايه حواليه
يضحك وعنيه في الارض ويقول دكتور نفساني!؟
انا اكتر واحد عاقل في زمن بقي طبعه اناني
لا انا سبت فُلان تعبان ولا عمري ف مرة اذيت
حبيتها بدون مااصارحها ولا عمري عليها حكيت
العُزلة الحل وهنسي وانتهي من تلك الجملة
معرفش يروح البيت. واتأمل فجأة الشارع
فصورتها جات ف عنيه.
كان لازم يقنع نفسه انها مش غالية عليه
وانها سابت بمزاجها ولا حست وقتها بيه.
….
ويمر الوقت ويمشي ويروح يسهر ماينامشي
يدخل ف حسابها الشخصي ويشوفها بتكتب ايه
كان كله كلام عن غيره ولا كتبت كلمة عليه
يقفل ويرمي موبايله ويقول والله هنام
فتجيله كابوس ف منام تضحك علي جرحه وتمشي
يصحي بأحزان جواه
كان ممكن يفضل يضحك لو فضلت هي معاه
فيقرر يدخل تاني يمكن كتبتله رسالة
او كتبت نص إليه
كان لازم يقنع نفسه انها مش غالية عليه
وانها سابت بمزاجها ولا حست وقتها بيه
……
فات شهر عليه او اكتر واتعافي من الامراض
اراد يرجع لطبيعتُه او ربه يوميها اراد
اول مانسيها واتطمن راح داخل تاني حسابها
ودخوله دا كان لا ارادي مستني يقرا عتابها
كان المتساب موهوم يقرا عن واحد سابها
ويفكر ان دا ليِه
كان لازم يقنع نفسه انها مش غالية عليه
وانها سابت بمزاجها ولا حست عمرها بيه.
……
استهلك طاقته وروحُه واضيق عليه الحال
وادمر جدا فجأة بقي شارد فكر وبال
كان ناسي انه بينساها ونسيها ف شهور مُعاناه
وكتب النص دا ليها عنوانه “فاقد معناه”
ضحك وساب موبايله وكأنها ماتت فيه
واللي يركز علي عينُه هيشوفه بيضحك ليها
وكأنها لسه معاه….!!
وانا فعلا بكتب ليها وكأنها هنا حواليا
مش عارف اقنع نفسي انها مش غالية عليا
وانها سابت بمزاجها ولا حست عمرها بيا
فيادوب انا بعمل ناسي او انها ماتت فيا
#كان_لازم_يعمل_ناسي