صادق أمين شاعر وناقد ؛ ولد بالاسكندرية ؛ رئيس نادى شعر العاميه بالاسكندريه خلال ثمانيه دورات.
حاصل على العديد من الجوائز منها المركز الاول على مستوى الجمهوريه ١٩٩١
رئيس لجنه تحكيم وعضو لجنه تحكيم على مستوى قصور الثقافه فى العديد من مسابقات الشعر االعامى
محاضرمركزى ؛عضو لجنه تحكيم مشروع موهوب يا صغير مكتبه الاسكندريه ومحاضر فى علم العروض وفنون الصورة الشعرية .
كتب مؤخراً عزف علي أوتار مهريه حزن
النصر مش وفق البطل
جوه الليالى النحس
وقف ياعم الجرح تاكسى
خدنى على اقرب ضياع
اجرب البار اللى بابه
كاشف دموع البحر
ادينى كاس كونياك
عينيها ناموا
ولسه قلبى بيستهجا السهر
يتغير الرتم لما اشوف القسوة لابسه
فستان الحنان
لما تسرقها منى حاجه غامضه
انا جربت اكون اداة للجريمه
ومسكت روحى م العياط
لما الغياب كان خدها منى
لعتبه برد علشان احرم ابقى ليكى عاوزة موت
انا اللى بعت زمان وجيتك اشتريكى
فى الوقت المسن
اى حضن غريب دخلته فى ليالى الانهيار
كنت ذى ليل بيخلص
فوق سراير راميه روحى
لارض توهه
جلد ميت جوه منه روح غريبه
صعبه تلك التجربه
كل ما اشرب يتهز خصر ونهد دنيا
كنت باستخسر ما ادوقشى او اخون
كنت رغبه او على هيئه زبون
فى سرايرها اللعينه
والنهارده جى على حافه لقا
روحك بتتشعبط فى روحى
بس خايفه
النهارده المسافات اللى طالت واستحالت
ميلت ع القلب قالت
جايز نكون روحين ف روح
لكن مضى وقت اللقا
كان فيها ايه
لو مكناش اتقابلنا
رجعت اشرب واهتزاز نهد الحياة
رمانى ف السكك الغلط
النصر مش وفق البطل
جوه السيناريو الجديد
كومبارس غيرى بيلعب الدور
ما انفعش اكون سكران
فى اخر حدفه للايام
لازم انام
عشان اقوم اعرف اقاوم
السهر الجديد
وكأنى عزف على اوتار مهريه حزن
هدير الجندي