_ شكراً محمد صلاح والله وحسبي الله ونعم الوكيل في أعصابنا اللي اتحرقت دي .. سيناريو الماتش قذر وبيعكس قلة حيلة وانت بتلعب على أرضك ووسط جمهورك.
_ كل ما بشوف محمد صلاح بفتكر فيلم العالمي لما كان بيقول “انا اللي هودي مصر كأس العالم” مع احترامنا لباقي اللاعيبة بس صلاح 50% من منتخب مصر.
_ أعتقد صلاح مش هيسيب لقب الهداف التاريخي لمنتخب مصر لأي حد.
_ عبدالله السعيد بيلعب منتخب مصر عشان كورة الجول اللي هو بيعملها دايما غير كده عبدالله مرهق حتى وهو نايم.
_ معرفش انا مؤهلات مهاجم منتخب مصر انه بيلعب برجولة وحماس بتهيألي لو حسام حسن اتمرن اسبوعين هيقعد كل مهاجمين مصر دكة.
_ اونيانجو حارس اوغندا شال واحدة عصام الحضري 2008 .. اونيانجو ده ولا نوير.
_ إيه الفايدة من تكرار مشهد وجود تلات لاعيبة جنب الخط بيباصوا الكورة في 10 متر .. هل دي تيكي تاكا مثلا؟!
_ منتخب مصر مفيهوش حد بيعرف يخرج بالكورة من ورا إلا حجازي بس .. بنلعب من غير مهاجم.. باكين الطرف مابيتقدموش .. لازم ننام طبعا واحنا بنتفرج عالماتش.
_ كل لاعب في منتخب مصر بيستلم كورة اوتوماتيك بيعدل عالجبهة اليمين بتاعة صلاح كأن الجبهة الشمال دي فيها كتاب دين ممنوع نباصي فيها.
_ ماذا فعلت ليصادف ربيع عمري وجود عمرو جمال كمهاجم لمنتخب بلادي؟!
_ أخطر عرضيتين من احمد فتحي لعبهم برجله الشمال.
_ أحمد فتحي ده هو والانتهاء لا يتلاقوا أبداَ.
_ عاجل ومؤكد: تريزيجيه يبيع شاورما في قاسم باشا في تركيا.
_ ثنائية النني طارق حامد دي ما شاء الله تجيب إيدز.
_ معرفش الناس بتنتقد رامي ربيعه ليه؟ الراجل لعب الماتشين أحسن ما يكون.
_ هي مين الدبة بندا اللي شاغلة تفكير كابتن متحت طول الماتش؟!
_ ابقوا العبوا في ستاد القاهرة، الجماهير الله يعينها ناموا بعد تلت ساعه من الماتش.
_ مبروك متحفظة، وكوبر لازم يمشي، ولابد من وجود حسام حسن، ده لو عايزين نوصل كأس العالم.