تقدم لكم بوابة الخبر الالكترونيه 3 وصفات مختلفه لطهى المكرونه لكى يحبونها اطفالك واول طريقه هى المكرونه بالصلصه مع التركات البسيطه الجديده:
1- المكرونه بالصلصه مع الدقه الحاميه:-
المقادير :
نصف كيلو مكرونه – نصف كيلو طماطم – معلقتين صلصه – 2 فلفل حامى – ربع كيلو لحمه مفرومه – بصلتين – ربع كوباية زيت
معلقة ملح – شطه – فلفل اسمر – كمون
الطريقه:
نقطع البصل قطع صغير ونقطع الفلفل قطع صغير ونقطع الطماطم ونضربها فى الخلاط مع الصلصه ونحطهم على جمب ونجيب حله ونضع ماء وملح وتغلى الماء وبعد ذلك نضع المكرونه تتسلق وفى حله تانيه نضع ربع كمية الزيت ونضع عليه نصف كمية البصل والفلفل ونشوحهم حتى يحمروا وبعدين نضع عليهم الطماطم ونضع الفلفل الاسمر والشطه والكمون وقليل من الملح ونغطى الحله حتى تتسبك الصلصه وفى طاسه اخرى نضع باقى الزيت والفلفل والبصله ونقلب حتى تحمر وبعد ذلك نضع اللحمه المفرومه ونعصجها المكرونه استوت طبعا نصفيها فى المصفى ونتركها على جمب لحد ما تستوى اللحمه والصلصه وبعد ذلك نضع اللحمه المفرومه على الصلصه ونقلبهم مع بعض وبعدين نحط المكرونه عليهم ونقلبهم كويس مع بعض نعمل بقى الدقه الجميله وهى عباره عن فصين توم مفرومين ومعلقة صلصه وشطه ومياه وملح ونصف مكعب مرقه كل دول على النار مع بعض ويغلوا كويس وبالهنا والشفا على قلبكم
2- المكرونه بالبشاميل:-
المقادير :
نصف كيلو مكرونه اقلام – نصف كيلو لحمه مفرومه – كيلو لبن – ربع كيلو دقيق – سمنه -زيت – بيضه – جبنه موتزريلا او تركى مبشور – ملح – فلفل اسمر – بصله
الطريقه :
نسلق المكرونه ونضعها على جمب ونغلى اللبن ونتركه يبرد شويه وبعدين نعصج اللحمه نقطع البصل قطع صغيره ونشوحها فى الزيت حتى تحمر وبعدين نضع اللحمه ونترك حتى تستوى فى حله صغيره نضع السمن وبعدين معلقتين دقيق كبار ونحمر الدقيق للون الدهبى وبعدين ننزل باللبن شويه شويه مش كله مره واحده ونقلب على نار هادئه ونفضل نقلب عشان البشاميل ميكلكعش استوى البشاميل نضع كميه كبيره من الجبنه ورشة ملح وفلفل اسمر وبعدين فى طبق نرب بيضه بالمضرب ونضعها عليه ونتركه على جمب وبعدين نجيب صينيه ونضع كميه بسيطه من البشاميل من تحت ونحط نصف كمية المكرونه وعليها معلقتين كبار بشاميل وبعدين اللحمه كلها وبعدين نصف المكرونه الاخر وعليها باقى البشاميل ومن فوق على الوش باقى الجبنه ودخلى الفرن وبالف هنا وشفا
3- مكرونه بالصوص الابيض:-
المقادير :
نصف كيلو مكرونه اقلام – نصف كيلو جمبرى – كيلو لبن – كيس شوربة كريمه بالدجاج -جبنه موتزريلا – ثوم – ملح – فلفل اسمر
الطريقه :
نسلق المكرونه ونضعها على جمب وفى طاسه نضع الزيت والثوم ونحمره لحد ما يدينا اللون الدهبى ونضع الجمبرى يتشوح وفى حله نضع اللبن وعليه كيس الشوربه ونقلب وبعد شويه نضع الجبنه ومعلقة توم وفلفل اسمر ونقلب لحد ما يكون سميك شويه وبعدين نحط فى الحله المكرونه والجمبرى وعليهم معلقتين من الصوص ونقلبهم ونفضيهم فى صينه وعليهم الصوص وبعدين الجبنه من على الوش وعلى الفرن وبالف هنا وشفا.
دنيا على