محمد منصور يكتب : خد من حلمك حته

0

 

اوعي تكون طماع او عاوز تاخد كل حاجه من الدنيا كلنا عندنا احلام كتير وامنيات اكتر كلنا عايشين جوه حلم كبير وبجانبه احلام اصغر وأصغر كل حد فينا نفسه يحقق كل الأحلام ساعات كتير احلامنا مش بتتحقق ويمكن تتأخر عن الميعاد اللي نفسنا تتحقق فيه وفي ناس في وسط الزحمه بتنسي احلامها وتتوه من نفسها ومن حلمها وفي ناس تفضل متشبثه بحلمها لحد ما تفارق الدنيا وهي مقدرتش تحقق حلمها وناس تفضل لأخر لحظه مستنيه يتحقق ده متوقف علي ايمانك بحلمك مش اي حاجه تانيه انت مؤمن بالحلم ده
ممكن الحلم يكون حاجه تافهه من وجه نظر اللي حواليك بس الاكيد انه كبير قوي قوي عندك ممكن حلمك يكون عربيه حلوه او شغل معين أو بيت كبير في جنينه وحمام سباحه او زوجه او اولاد او يكون حلمك حب حب كبير انت في يوم مقدرتش توصل ليه
مهما كان حلمك كبير صغير
خليك متعلق بيه لأخر نفس بيخرج منك خليك متشعبط فيه ٠
حب حلمك اعشقه
ولما يحصل ويتحقق افرح بيه
ممكن ميجيش كامل زي ما انت اتمنيته يجي حته صغير من حلم كبير ساعتها اوعي تفكر تهرب وتقول ان ده مش حلمي ساعتها ارضي بحته الحلم الصغيره اللي من حلم كبير وانبسط وافرح وطير من الفرح وارضي بحته من حلمك
واسرقها اخطفها لان جواها حتلاقي نفسك
حتلاقي حب كبير جوه الحته الصغيره دي حتلاقي حنان
حتلاقي دفئ حب
الحته الصغيره ارضي بيها
#محمد_منصور
راضي بحته من حلمي

اترك تعليق

يرجي التسجيل لترك تعليقك

شكرا للتعليق