ذنب إرتكاب الدنيا أكبر
من” جميع الموبقات..”
وأنا كنت أول فرد فيها
يدين بدين “المُغرَيات”
مع إن جيبي مَيحتكمش
علي اللي فيه
كنت أفتِكر متبرعه بأخر جنيه
لطفل رافضه تطُل من عينهُ الحياه
طعم الرغيف من غير ما يلمس
ريقهُ علقم..
وانا روحي فيا بتحتضر
من غير وفاه..
ذنب إرتكاب الدنيا أكبر
” من جميع الموبقات..”
مارثون رجوعي للأزل
كان وقتهُ فات..
ورطني شجر الخُلد
ف ضلوع القيامه!
الكُفر كان شاهد وحيد
ع الاستقامه
والمغريات دين اللي كان
زاهد ف دينهُ
وقت الحساب ولا ضلع فيا
يسد دينه
غير اللي كان كافر
بدين المغريات…
شجر الخلد