اولا عاوز فى المقال دة اتكلم معاكو كدة بالبلدى او على رأى احمد زكى فى العيال كبرت بالهجايص .. واول هجايص هاتكلم فيها وهى اتهرت كلام الحقيقة مهربين بورسعيد الأبطال الأبرار والإعلام الكيوت وعلى رأسهم قناه الحلم لمديرها حريقة اللى حببنا كلنا فى التهريب والمهندس الجميل ابو قلب حنين اللى حل المشكلة فورا وبعت محامين وعرض تشغيل العيال .. لا وكمان المفاجأة المزهلة المحافظ اللى تولى الموقف من المهندس وقرر يشغل هو الولاد ……………؟؟
يالهوى كل دة من مشهد على قناه مش معروفة لمزيعة مش معروفة اتنقل على السوشيال ميديا وعلق علية ناس كتير بعدم فهم وتريقة على المزيعة عشان قالت للولد اشتغل فى الاستثمار وكانت تقصد منطقة فى بورسعيد كلها مصانع ومش لاقية عمالة لدرجة انها بتجيب عمالة من بنجلاديش والفلبين وتعامل المزيعة اللى واضح انها كانت معتقدة تأكيدا ان مافيش حد هايشوف الحلقة غير قرايبها فلم تتكلم غير بلغة يفهمها البورسعيدية مما ساهم فى انتشار الموضوع بعفوية ….. دة رصد للحالة تحليلها بقى .
المجرم مجرم والعيال دى كلها صيع والتهريب تقريبا قائم على أمثالهم ومافيش حاجة هاتتغير دى ثقافة عمل مجتمعية اتزرعت فى شباب بورسعيد وتورثت عبر الأجيال من عام ٧٧ مش بتوع حاجة غير التجارة ومشتملاتها بس تصنيع انتاج خلافة بيجى ناس من المحافظات المجاورة تنتج وتشتغل ….عاوز تغير غير شعب بورسعيد التجارى او اخلق مجتمع يعرف يعنى اية إنتاج خلصانة بالتعليم
ومن المعروف مسبقا انة (يعمل اية التعليم فى وطن ضايع ) ……….
التانية جبارة بقى ..
الدكتور حازم الببلاوى
التصريح الاول
قال الدكتور حازم الببلاوى، المدير التنفيذى لصندوق النقد الدولى، فى تصريحات خاصة لليوم السابع، إن برنامج الإصلاح الاقتصادى المصرى يسير بخطى ثابتة نحو مستقبل أفضل للأجيال القادمة، مؤكدا أن المواطن المصرى تحمل كافة إجراءات برنامج الإصلاح الاقتصادى، وأن المواطن المصرى البطل الحقيقى لبرنامج الإصلاح، وضرورى نكمل برنامج الإصلاح للنهاية لأن الإجراءات المتبقية قليلة”. وانا من موقعى هذا وانا بصفتى مواطن اووكد لسيادتكم ان الأجيال الموجودة حاليا اتفعصت واتعصرت وادهست بسبب ان إجراءات الإصلاح اللى عاجبة الصندوق اتنفذت بطريقة تعامل إثيوبيا معانا فى ملو سد النهضة بالظبط كان لازم الامور تاخد وقت اطول وبحكمة اكبر وإصدار قوانين تحمى وتساعد بس للاسف الناس العظام مابيسمعوش غير نفسهم ….
وأضاف الدكتور حازم الببلاوى فى تصريحات للصحف خلال مشاركته فى حفل استقبال نظمته وزارتى المالية والاستثمار فى مدينة شرم الشيخ، أن مشروع العاصمة الإدارية الجديدة يتطلب مزيدا من المعلومات التى تتاح للشعب المصرى، لإشراكه ضمن حوار مجتمعى حول هذا المشروع القومى الهام وانا بقولة حوار مجتمعى دة بيبقى فى الاول يا دكتور فى الاول مش بعد ما خرب اصدى خلص دة السور ١٢ متر يا راجل .
التصريح القنبلة اللى مقدرتش اصدق نفسى وانا بسمعة بقى …
ان الدين الخارجى الذى تلتهم فوائدة ٧٥ % من الدخل العام قال اية اية اية ليس سيئا وجيد …..
قال دكتور حازم الببلاوي المدير التنفيذي لصندوق النقد الدولي، إن ارتفاع الدين العام والخارجي ليس سيئا في كل الأحوال؛ لأن الاستخدام الجيد له يجعله دينا جيدا.
وأضاف «الببلاوي»، في رده على سؤال لـ«الشروق» على هامش الاجتماعات السنوية للتجمع الإفريقي للبنك الدولي وصندوق النقد، أن مصر في بداية الخمسينيات من القرن الماضي لم يكن لديها أي ديون ولكنها بدأت الاقتراض بعد قرار تدشين السد العالي في الستينيات،
دى تصريحات المدير التنفيذى لصندوق النقد الدولي .
حقيقى لك الله يا مصر والى جنة الخلد يا مصريين ….
التوقيع
مواطن
اشترك في نشرتنا الإلكترونية مجاناً
اشترك في نشرتنا الإلكترونية مجاناً.
السبت, أبريل 20, 2024
آخر الاخبار
- فوز فريق الاتحاد السكندرى ٢٠٠٧ على الزمالك بالقاهرة ٢-١
- رحلة لجماهير الثغر.. لمشاهدة لقاء الاتحاد السكندري و الزمالك بإستاد القاهرة
- الاتحاد السكندرى يتصدر الدوري بفارق الأهداف
- حل فزورة فريش اليوم الأحد 21 رمضان.. بلد السكر والقهوة والتبغ في الكاريبي
- بحضور 600 شخص .. نادى السلام البحرى ينظم اكبر مائدة افطار على ضفاف قناة السويس ببورسعيد
- تأجيل مباراة الاتحاد السكندرى و المصرى البورسعيد لتقام يوم الخميس 4 إبريل
- سلة الاتحاد السكندري تتعاقد مع صانع الألعاب الأمريكي ” مايكل ديكسون “
- دوللي شاهين تنتهي من تسجيل أغنية “ست البنات”
التالي حملات مرورية بالمنيا