قالتها الست زمان في رائعتها اسأل روحك : سِبتك من غير حتى ما أفكّر حقدر أسيبك أو مش حأقدر .
جملة لخصت التخلي و الاستغناء من غير ما نعد و نحسبها و نجيبها يمين و شمال.
جملة حطّت نهج لفن الاستغناء و وثقته في أغنية فيها اقسي المشاعر علي البني آدم و هي انه يستغني عن شيء او حد بيحبه او محتاجه .
بنظرة مباشرة للموضوع الواحد بسهولة هيقدر يجزم ان الاستغناء من علامات النضج و خلاصة التجارب الحكيمة ، و لما بقول الاستغناء اقصد اننا نتوقف عن احتياجنا لمن لا يضيفون اي شيء لينا ، سواء ناس ، علاقات ، حاجات او رغبات .
في حياتنا اليومية في مقولة دارجة و متكررة : اعمل كذا او اعرف كذا او جرب كذا و مش هتخسر حاجة ، و الجملة دي هي الوكسة بعينها و بداية الخسارة ، محدش يعمل حاجة او يعرف حد عملاً بمبدأ انه مش هيخسر حاجة لأنه مبدأ غريب شوية ، ببساطة الي مش هيخسرنا لو مكسبناش حاجة يبقي لا طائل من وراءه بالمرة . الي ‘ مبيخسرناش ‘ دة عادة اما بيضيع وقتنا أو مجهودنا أو فلوسنا أو بيهدر مشاعرنا أو بيخيب املنا – يفعل اي من هذه الاشياء أو كلها متفرقين أو مجتمعين .
لو الأنسان مش هيكسب حاجة و هيبقي في قيمة مضافة له بأي شكل من الأشكال يبقي الأفضل يستغني .
الواحد بيغلط في حق نفسه لما مبيقدرش يتخلي عن ما يضغط عليه فيفضل ماسك في حاجات و هي في حقيقتها لازم تُترك النهاردة قبل بكرة .
الأنسان بيخاف ، بيخاف ميلاقيش بديل أو بيخاف من المجهول فيفضل متمسك في المرهق الي يعرفه عن انه يستغني و يتخلي و يواجه الي المستقبل هيجيبهوله .
أعترف انها حسبة صعبة و قرار مش هين بالمرة .
انا النهاردة بعد ما مر عليا احداث لم اكن اتخيل انها تحصل اتعلمت درس كبير و هو ان التخلي عما لا يزيدك املاً و سعادة و رضا و يضعك في موضعك الصحيح هو فرض و واجب و حق الواحد علي نفسه و هو عين العقل و حكمة اعتي الحكماء .
لازم نستغني من غير ما نعد نحسب الحسابات ، لأنها عادة بتكون حسابات خسرانة.
لازم منمسكش في ناس ولا علاقات ولا اماني و احلام ستظل خيال و لن تصبح واقع ، و في نهاية المطاف هتستنزفك لمجرد انك مش عارف تستغني عنها .
Letting go له وقته و هو في أحيان كثيرة بيكون بداية التعافي لنا و صفحة جديدة نحن نستحقها.
اتخلي عن الاشياء التي تكشف لك الحياة انها ليست لك
اتخلي عن الاماني المستحيلة الي صعب تحقيقها و بس بتنغص عليك حياتك وتقف عائق في تطورك و نضجك و تقدمك .
اتخلى عن كل ذكريات الماضي و جروحه و ندباته .
اتخلى عن اي انسان مش مديك قيمتك المستحقة سواء عمداً او عن دون قصد .
اتخلى عن تعلقك بأي حاجة مش بتاعتك .
اتخلي و استغني لانك تستحق ان تتمسك بمن يتمسك بيك .
After all , life is an act of letting go.
و تذكر دائماً انه سبحان من إذا استغنيت به عن الناس كفاك.
#في _الاستغناء_رحمة
#اسأل_روحك
السبت, أبريل 27, 2024
آخر الاخبار
- سلة زعيم الثغر تواجه الزمالك في قبل نهائي كأس مصر يوم 30 إبريل الجارى
- مجلس الصيد يكرم فريق مواليد ٢٠٠٩ لكرة القدم
- مصيلحى ينظم رحلة للجماهير لاستاد البرج
- رحلة لجماهير الثغر.. لمشاهدة لقاء الاتحاد السكندري و الإسماعيلى بإستاد برج العرب
- سموحة جاهز لمواجهة بلدية المحلة الهداف احمد على امين يبحث عن فرصة للمشاركة
- اطلاق اسم السباح نبيل الشاذلي علي مجمع حمامات السباحة بالنادى الاوليمبى
- فيوتشر يتخطى فاركو بهدفين ويصعد للمركز الثامن
- فوز فريق الاتحاد السكندرى ٢٠٠٧ على الزمالك بالقاهرة ٢-١